Salgyt töleýjiler hökmünde şahsy taraplary we edara görnüşli taraplary hasaba goýmak hakynda usuly görkezmeleri tassyklamak hakynda “Salgytlar hakynda” Türkmenistanyň bitewi Kanunynyň 24-28-nji hem-de 144- nji maddalarynyň we Türkmenistanyň beýleki kadalaşdyryjy hukuk namalarynyň talaplaryna laýyklykda, buýurýaryn: 1. Salgyt töleýjiler hökmünde şahsy taraplary we edara görnüşli taraplary hasaba goýmak hakynda usuly görkezmelerini tassyklamaly (goşulýar). 2. Türkmenistanyň Baş döwlet salgyt gullugynyň başlygynyň 2003-nji ýylyň Gurbansoltan aýynyň 11-indäki 24 belgili buýrugy bilen tassyklanylan hem-de Türkmenistanyň Adalat ministrligi tarapyndan 2003-nji ýylyň Alp Arslan aýynyň 22- sinde 292-nji belgi bilen hasaba alnan, Türkmenistanyň Döwlet býujetine salgytlary we beýleki hökmany tölegleri hasaba almagyň tertibi hakyndaky Gollanmany güýjüni ýitiren diýip hasaplamaly. 3. Türkmenistanyň Baş döwlet salgyt gullugynyň ýerlerdäki edaralarynda salgyt töleýjiler hökmünde edara görnüşli taraplary hasaba goýmagy hasap we hasabat bölümleriniň üstüne, şahsy taraplary hasaba goýmagy bolsa – şahsy taraplaryň barlagy bölümleriniň üstüne ýüklemeli. Başlyk D. Hojaýew 2 Türkmenistanyň Adalat ministrligi tarapyndan 2006-njy ýylyň Baýdak aýynyň 17-inde 371 san bilen bellige alyndy Türkmenistanyň Baş döwlet salgyt gullugynyň başlygynyň 2006-njy ýylyň Baýdak aýynyň 15-nde çykaran No 08-Ö buýrugy bilen “tassyklandy” Salgyt töleýjiler hökmünde şahsy taraplary we edara görnüşli taraplary hasaba goýmak hakynda usuly görkezmeler I.Umumy düzgünler Salgyt töleýji hökmünde şahsy taraplary we edara görnüşli taraplary hasaba goýmak hakynda şu