2-параграф. Негізгі құралдар мен материалдық емес активтердің есебі

Негізгі нормалар мен актілер Қаржылық есептіліктің ұлттық стандарты 2-параграф. Негізгі құралдар мен материалдық емес активтердің есебі 12. Негізгі құралдар мен материалдық емес активтер мынадай шарттар бір мезгілде орындалған кезде актив ретінде танылады: - активке байланысты болашақ экономикалық пайдалардың түсу ықтималдығы бар; - активтің өзіндік құнын сенімді түрде анықтауға болады; - актив әдеттегі қызмет барысында сатуға арналмаған. 13. Негізгі құралдарға материалдық-заттық нысаны бар активтер жатады. Бұған, атап айтқанда, жылжымайтын мүлік, көлік, машиналар мен жабдықтар, жануарлар, көпжылдық екпелер, сондай-ақ Қазақстан Республикасының Азаматтық кодексі жылжымайтын және жылжымалы мүлікке жатқызатын өзге де мүлік кіреді. Мұндай объектілер өндірісте немесе тауарларды жеткізу, жұмыстарды орындау, қызметтер көрсету үшін, жалға беру үшін, құн өсімі үшін не әкімшілік мақсаттар үшін пайдалану мақсатында ұсталады және бір кезеңнен артық пайдалануға арналған деп болжанады. 14. Материалдық емес актив тану критерийлері сақталған кезде танылады: сәйкестендірілетіндігі, ресурсқа бақылаудың болуы және болашақ экономикалық пайдалардың болуы. Егер объект материалдық емес активтің анықтамасына сәйкес келмесе, оны сатып алуға немесе ішкі жолмен жасауға жұмсалған шығындар туындаған сәтінде шығыс ретінде танылады. Материалдық емес актив мынадай жағдайда сәйкестендірілетін болып саналады: 1) оны байланысты активпен немесе міндеттемемен бірге не бөлек сатуға, жалға беруге немесе айырбастауға болады; 2) ол заңды құқықтардан туындайды, олардың субъектіден немесе басқа құқықтар мен міндеттемелерден берілуі немесе бөлінуі